Энэ сэдвийг үзсэнээр дараах зүйлийн талаар мэдлэгтэй болно.
- Кабел модон тавцан, ханыг нэвтэрч байгаа үед модон хүрээний ирмэгээс 32 мм зайтай суугдсан байна.
- Металл бус бүрхэвчтэй кабел металл тавцан, ханыг нэвтэрч байгаа үед металл хэсгийн ирмэгүүд хамгаалагдсан байх ёстой.
- Галд тэсвэртэй барилга байгууламжид суурилагдах кабел батлагдан аргуудын дагуу битүүмжлэгдсэн байх ёстой.
- Агаарт ашиглагдах кабел
- МС ба АС болон бусад металл бус кабелын бэхэлгээний талаар мэдэх
- Кабелын гулзайлтын хамгийн бага радиусын талаар мэдэх
- Кабелыг физик гэмтлээс хамгаалах
- МС, АС болон бусад металл бус бүрхэвчтэй кабелын монтажид тавигдах ерөнхий болон тусгай нөхцөлүүд
- Кабелыг газар доогуур монтажлах
Модон тавцан, ханыг нэвтэлж кабелыг сүвэгчлэх үед нүхний хэмжээ аль ч ирмэгээс 32 мм-ээс хол зайтай байна.
Металл дундуур кабелыг сүвэгчлэн гаргаж байгаа үед нүхний ирмэгүүд нь тусгаарлагчаар тусгаарлагдсан байна.
Хэрэв кабел нь ирмэгээс 32 м-ээс бага зайд байвал 1,6 мм-ээс багагүй зузаантай хавтай төмрөөр хамгаалалт хийнэ.
- А - кабелыг модон хана, хавтан дээр тогтоож байгаа үед түүнийг ирмэгээс 32 мм-ээс багагүй зайд байрлуулж бэхэлгээг хийнэ.
- В - хэрэв кабелыг ирмэгээс 32 мм-ээс багагүй зайтай байрлуулах боломжгүй бол уг ирмэгийг 1,6 мм-ээс багагүй зузаантай хавтай лист төмрөөр хажуу талаас нь бэхэлж өгнө.
Хэрэв кабел хана, шал, тааз зэрэг галын үнэлгээтэй бүтцээр дайрч өнгөрч байвал галд тэсвэртэй материалаар тусгаарлана.
- МС (Metal Clad - дамжуулагч болгон нь гадна талаараа тусгаарлагчтай, харин нийт гадна талаар эрчилсэн металл бүрхүүлтэй) кабелын бэхэлгээ хоорондын зай 1,8 м-ээс хэтрэхгүй,
- АС (Armor Clad - дамжуулагч болгон нь гадна талаараа тусгаарлагчтай, харин газардуулгын кабел нь нүцгэн тусгаарлагчгүй, харин нийт гадна талаар эрчилсэн металл бүрхүүлтэй) кабелуудын бэхэлгээ хоорондын зай 1,4 м-ээс хэтрэхгүй, хайрцгаас гарах эхний бэхэлгээ хүртэлх зай нь 30 см-ээс хэтрэхгүй,
- металл бус бүрхүүлтэй (гадна талаараа металл бус бүрхүүлтэй) кабелуудын бэхэлгээ хоорондын зай 1,4 м-ээс хэтрэхгүй, хайрцгаас гарах эхний бэхэлгээ хүртэлх зай нь 30 см-ээс хэтрэхгүй байна. Харин хайрцгийн гаралт дээр хавчаараар хавчиж кабелыг бэхлээгүй бол эхний бэхэлгээг 20 см-ээс багагүй зайтай байхаар бэхэлнэ.
Агаараар дамжиж буй кабел нь 30 см болгонд бэхэлгээтэй байх бөгөөд бэхэлгээгүйгээр шууд агаараар дамжуулахыг хориглоно.
Дээврийн хөндий рүү гарах гарцын болон дээврийн хөндий дэх орох гарцаас 1,8 м зайд кабелын монтаж хийхгүй байна.
АС кабелыг мурийлгаж болох радиус нь хамгийн багадаа түүний диаметрээс 5 дахин их байна. Харин МС кабелын хувьд мурийлгаж болох радиус нь түүний диаметрээс 7 дахин, харин металл бус бүрхүүлтэй кабелын хувьд 5 дахин их байна. Жишээ нь МС кабелын гадна талын диаметр нь 13 мм байвал түүнийг мурийлгаж болох радиус нь хамгийн багадаа 7 х 13 мм = 91 мм байна.
Шалнаас гарч ирсэн металл бус бүрхүүлтэй кабел нь заавал металл эсвэл түүнтэй дүйхүйц хатуу, PVC далдлагч дотор суугдсан байх ба шалнаас дээш 15 см-ээс багагүй зайд суулгагдсан байна.
